ზაზა წერეთელი: …ფიქრობენ, რომ ამ მედიკამენტმა შეიძლება ხელი შეუწყოს COVID-19- თან ასოცირებული ანთებითი პროცესების შემცირებას

“ევროპის წამლების სააგენტომ (EMA– მ) დაიწყო მედიკამენტ კინერეტის (ანაკინრა) მწარმოებლის განაცხადის შეფასება, მისი უფრო ფართო გამოყენების შესახებ (COVID-19) დაავადებულ იმ მოზრდილ პაციენტებში რომელთაც განუვითარდათ პნევმონია და აქვთ რისკი განუვითარდეთ მწვავე რესპირატორული უკმარისობა (ფილტვების უუნარობა იფუნქიონირონ ნორმალურად).
კინერეტი არის იმუნოდეპრესანტი (მედიკამენტი, რომელიც ამცირებს იმუნური სისტემის მოქმედებას) და ამჟამად ნებადართულია მრავალი ანთებითი მდგომარეობის სამკურნალოდ. მისი აქტიური ნივთიერება, ანაკინა, ბლოკავს ინტერლეიკინი 1 – ის, ქიმიურ მესენჯერს, რომელიც მონაწილეობს იმუნურ პროცესებში, რასაც ანთება მოჰყვება. ფიქრობენ, რომ ამან ასევე შეიძლება ხელი შეუწყოს COVID-19- თან ასოცირებული ანთებითი პროცესების და ქსოვილების დაზიანების შემცირებას.
EMA– ს ადამიანის წამლების კომიტეტი (CHMP) შეაფასებს განაცხადში წარდგენილ მონაცემებს, რათა გადაწყვიტოს, გასცეს თუ არა მის გამოყენებაზე ნებართვა. წარმოდგენილი მონაცემები მოიცავს ორი მიმდინარე კლინიკური კვლევის შედეგებს, რომლებმაც გამოიკვლიეს მედიკამენტების უსაფრთხოება და ეფექტურობა მოზრდილ პაციენტებში, რომლებიც ჰოსპიტალიზირებულნი არიან COVID-19- ით.
CHMP– ის დასკვნა, შემდგომი შესწავლისა და უსაფრთხოების დამატებითი მონიტორინგის მოთხოვნებთან ერთად, გადაეგზავნება ევროკომისიას, რომელიც გამოიტანს საბოლოო იურიდიულად სავალდებულო გადაწყვეტილებას, რომელიც გამოიყენება შემდეგ ევროკავშირის ყველა წევრ სახელმწიფოში.
EMA შეფასების შედეგს სავარაუდოდ გამოიტანს ოქტომბრისთვის, თუ რაიმე დამატებითი ინფორმაცია არ გახდა საჭირო.
კინერეტი ევროკავშირში ავტორიზებულია 2002 წლის მარტიდან.  ცნობისათვის, ინგლისელები და ამერიკელები აქტიურად მუშაობენ, რომ ოქტომბრისთის დაიდოს რაიმე ქმედითი მედიკამენტი,” –  წერს სოციალურ ქსელში ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი.

წყარო